Абавязковы скрынінг на рызыку бясплоддзя можа стаць яшчэ адным інструментам ціску на жанчын
2026-08-27
Намеснік прадстаўніцы Аб’яднанага Пераходнага Кабінета па сацыяльнай палітыцы, урач-гінеколаг Станіслаў Салавей пракаментаваў планы Міністэрства аховы здароўя Беларусі ўвесці абавязковы гарманальны скрынінг і даследаванне аварыяльнага рэзерву для жанчын ва ўзросце 18–39 гадоў.
Паводле Салаўя, сам па сабе скрынінг — важны медыцынскі інструмент, аднак такія даследаванні маюць сэнс, калі ў жанчыны ўжо ёсць праблемы з зачаццем або іншыя медыцынскія паказанні.«Мы ўводзім дзяржпраграму пагалоўнага тэсціравання без запыту з боку жанчыны. Многія аўтарытэтныя арганізацыі ўжо даўно вывучылі гэтае пытанне і патлумачылі, чаму такія праграмы бескарысныя».
Салавей звяртае ўвагу і на нерацыянальнае размеркаванне рэсурсаў: дзяржава плануе бясплатна праводзіць дзясяткі тысяч аналізаў здаровым жанчынам, у той час як пацыенткі, якія сапраўды маюць праблемы з зачаццем або парушэнні менструальнага цыклу, часта вымушаныя аплачваць неабходныя даследаванні самастойна.«Мы не дапамагаем тым, каму сапраўды патрэбная дапамога, і ўганяем у трывожны стан тых, хто застаецца абсалютна здаровым».
На думку Салаўя, такая праграма можа стаць і дадатковым інструментам ціску на жанчын. Ніжэйшы за норму паказчык АМГ можа выкарыстоўвацца як аргумент, каб пераконваць жанчыну «пакуль не позна» нараджаць дзіця, хоць сам аналіз не дазваляе надзейна прадказаць здольнасць да натуральнага зачацця.«У выніку мы атрымаем: кучу грошай патрацім, нервы вытраплем, карысці не атрымаем».
Каментар Станіслава Салаўя быў дадзены выданню «Белыя халаты».
