Святлана Ціханоўская сустрэлася з прэзідэнтам Польшчы

2026-01-14

14 студзеня беларуская лідарка сустрэлася з прэзідэнтам Польшчы Каролем Наўроцкім. Гэта першая двухбаковая сустрэча ў Варшаве пасля абрання Наўроцкага прэзідэнтам, раней лідары сустракаліся на палях Генеральнай Асамблеі ААН. 

Ціханоўская і Наўроцкі абмеркавалі:
– працэс вызвалення палітвязняў; 
– сітуацыю з Анджэем Пачобутам; 
– магчымасць супольных ініцыятываў у падтрымку беларускай супольнасці ў Польшчы;
– адносіны з адміністрацыяй ЗША; 
– бяспекавую сітуацыю ў рэгіёне. 

Акрамя таго, беларуская лідарка выказала спадзяванне, што вызваленні працягнуцца і Польшча, як і раней, акажа неабходную падтрымку вызваленым. 

Ціханоўская перадала прэзідэнту праект канцэпцыі Беларускага інстытута нацыянальнай памяці, распрацаваны дэмакратычнымі сіламі, і адзначыла, што досвед і падтрымка з боку прэзідэнта будуць важныя для распрацоўкі і рэалізацыі гэтай ініцыятывы. 

Святлана Ціханоўская:
«Я ўдзячная прэзідэнту Польшчы і польскай дзяржаве за падтрымку Беларусі і беларусаў, за паслядоўную і прынцыповую пазіцыю, дапамогу вызваленым палітвязням, падтрымку рэпрэсаваных і дэмакратычнага руху. Для нас вельмі важна і паказальна, што беларускае пытанне ў Польшчы аб’ядноўвае і ўрад, і апазіцыю — усе палітычныя сілы».

Падрабязней пра сустрэчу — па спасылцы. 

< >

Няма ілюстрацыяў.