Кіраўніца Кабінета Святлана Ціханоўская прыме ўдзел у акцыі ў падтрымку Украіны ў Вільні
2025-07-24
28 ліпеня спаўняецца 1250 дзён з пачатку поўнамаштабнай агрэсіі Расіі супраць Украіны. У гэты дзень на Кафедральнай плошчы ў Вільні пройдзе ўжо 148-ы штотыднёвы мітынг салідарнасці.
У акцыі возьмуць удзел Святлана і Сяргей Ціханоўскія. Кіраўніца Кабінета выступіць з кароткай прамовай у самым пачатку мерапрыемства.
📍 Кафедральная плошча, Вільня
🗓 28 ліпеня (панядзелак), 18:30
Святлана Ціханоўская, кіраўніца Аб’яднанага Пераходнага Кабінета Беларусі:«Падтрымка Украіны і асуджэнне расійскай агрэсіі – гэта прынцыповая пазіцыя беларускага дэмакратычнага руху. Перамога Украіны мае ключавое значэнне для бяспекі ў рэгіёне і для будучыні Беларусі»
@CabinetBelarus
