Святлана і Сяргей Ціханоўскія наведалі Варшаву. Фота
2025-06-27
Кіраўніца Аб'яднанага Пераходнага Кабінета Беларусі Святлана Ціханоўская і яе муж, былы палітвязень, адзін з лідараў пратэстнага руху 2020 года Сяргей Ціханоўскі наведалі Варшаву, дзе правялі шэраг сустрэч з кіраўніцтвам Польшчы і прынялі ўдзел у акцыі салідарнасці з беларускімі палітвязнямі.
Святлана Ціханоўская і Сяргей Ціханоўскі сустрэліся з дзейным прэзідэнтам Польшчы Анджэем Дудам. Таксама адбылася сустрэча кіраўніцы Кабінета і яе мужа з міністрам замежных спраў Польшчы Радаславам Сікорскім, які быў сімвалічным «хросным» Сяргея Ціханоўскага падчас яго зняволення.
Затым Святлана і Сяргей Ціханоўскія далучыліся да акцыі салідарнасці з беларускімі палітвязнямі, якая штотыдзень праводзіцца ў Варшаве ля помніка Каперніку. У мітынгу таксама прыняў удзел намеснік кіраўніцы Аб’яднанага Пераходнага Кабінета, кіраўнік НАУ Павел Латушка.
Падчас візіта Святлана Ціханоўская трымала ў руках партрэт палітвязня Анджэя Пачобута, польска-беларускага журналіста, які таксама знаходзіцца ў вязніцы рэжыму Лукашэнкі, як і яшчэ большы чым 1150 палітычных знвяволеных. Усе яны павінны быць вызвалены — і гэта адзін з важнейшых прыярытэтаў дзейнасці Аб’яднанага Пераходнага Кабінета і ўсіх дэмакратычных сіл Беларусі.
28 чэрвеня ў 12 гадзін мітынг салідарнасці з палітвязнямі з удзелам Святланы і Сяргея Ціханоўскіх пройдзе на плошчы Вінцаса Кудзіркі ў Вільні.
@CabinetBelarus
