Астапенка: «Нават калі лісты не трапяць да адрасатаў, яны пасылаюць выразны сігнал тым, хто трымае людзей у зняволенні»
2025-06-13
Уладзімір Астапенка, прадстаўнік па міжнародным і еўрапейскім супрацоўніцтве Аб’яднанага Пераходнага Кабінета і кіраўнік Місіі дэмакратычнай Беларусі ў Бруселі, распавёў пра акцыю салідарнасці з палітзняволенымі, арганізаваную беларускай дыяспарай у Бельгіі 11 чэрвеня, да якой гэтым разам далучыліся кіраўніца Кабінета Святлана Ціханоўская, яе намеснік Павел Латушка, прадстаўніца па сацыяльнай палітыцы Кабінета Вольга Зазулінская, а таксама спікер Каардынацыйнай рады Арцём Брухан.
«Удзел у гэтай акцыі – выказванне падтрымкі і павагі, якое сведчыць: пра палітзняволеных памятаюць, і за іх вызваленне працягваецца барацьба.
Нават калі яны не трапяць непасрэдна да адрасатаў, гэтыя лісты пасылаюць выразны сігнал тым, хто трымае людзей у зняволенні: імёны палітзняволеных гучаць, а патрабаванне вызвалення застаецца неаслабным. Таксама гэта напамін міжнароднай супольнасці пра неабходнасць сталай увагі да лёсу тых, хто ахвяруе свабодай дзеля дэмакратычнай будучыні Беларусі»
@CabinetBelarus
