Аб’яднаны Пераходны Кабінет прыняў рашэнне аб узнагароджанні шэрагу выбітных асоб за ўнёсак у развіццё Беларусі

2025-03-22

Адпаведную пастанову напярэдадні Дня Волі – 21 сакавіка 2025 года – падпісала кіраўніца Кабінета Святлана Ціханоўская.

Крыжом Адраджэння Беларусі (братоў Луцкевічаў) за шматгадовую працу і значны ўнёсак у нацыянальнае адраджэнне ўзнагароджваецца:

▪️Сяргей Дубавец – беларускі журналіст, пісьменнік, выдавец і грамадскі дзеяч.

Медалём «За плённую працу на карысць Беларусі» за выбітныя дасягненні ў прафесійнай і грамадскай дзейнасці ўзнагароджваюцца:

▪️Віціс Юрконіс (Vytis Jurkonis) – літоўскі палітолаг, выкладчык, кіраўнік літоўскага офіса Freedom House;

▪️Павел Казанецкі (Paweł Leszek Kazanecki) – польскі палітолаг і праваабаронца, былы кіраўнік Усходнееўрапейскага дэмакратычнага цэнтра;

▪️Зміцер Лукашук – беларускі журналіст і радыёвядоўца;

▪️Павел Лібер – IT-эксперт, прадпрымальнік, заснавальнік шэрагу грамадскіх ініцыятыў у лічбавай сферы.

Медалём Францыска Скарыны за высокія дасягненні ў сваёй дзейнасці ўзнагароджваецца:

▪️Лявон Вольскі – беларускі музыка, літаратар, мастак і грамадскі дзеяч.

Медалём Няскораных (Ларысы Геніюш) за стойкасць і годнае, праяўленыя ў зняволенні, узнагароджваецца:

▪️Ксенія Луцкіна – беларуская журналістка, былая супрацоўніца Белтэлерадыёкампаніі.

Медалём «Гонар і годнасць» за рызыку сваім жыццём у змаганні за свабоду, нацыянальныя каштоўнасці, дэмакратыю і правы чалавека ўзнагароджваецца:

▪️Аляксандр Варапаеў – юрыст, палкоўнік юстыцыі ў адстаўцы.

Выканаўцу абавязкаў прадстаўніка Аб’яднанага Пераходнага Кабінета па нацыянальным адраджэнні Паўлу Баркоўскаму даручана паведаміць узнагароджаным і арганізаваць урачыстыя цырымоніі.

@CabinetBelarus