Павел Латушка – да міністра замежных спраў рэжыму Лукашэнкі Максіма Рыжанкова
2025-03-19
Намеснік кіраўніцы Аб’яднанага Пераходнага Кабінета Павел Латушка адрэагаваў на заявы пра «крокі па аднаўленні даверу з Захадам», якія Лукашэнка абмяркоўваў cа сваім міністрам замежных спраў Максімам Рыжанковым:
«Максім Рыжанкоў, хачу нагадаць табе дзеянні, якія можаш яшчэ раз данесці да Лукашэнкі:
1. Спыніць рэпрэсіі супраць беларусаў унутры краіны і за яе межамі.
2. Вызваліць усіх палітвязняў.
3. Забяспечыць умовы для вяртання беларускіх эмігрантаў і гарантаваць ім бяспеку.
4. Дэкрыміналізаваць палітычную і грамадскую дзейнасць у Беларусі.
5. Дэкрыміналізаваць незалежныя СМІ і іх працу.
6. Дэпалітызаваць правапрымяняльную практыку ў дачыненні да палітыкаў і грамадскіх дзеячаў.
7. Гарантаваць бяспеку апазіцыйным палітыкам і іх прыхільнікам.
8. Скасаваць законы і нарматыўныя акты, што абмяжоўваюць правы беларусаў за мяжой.
9. Правесці датэрміновыя выбары з міжнародным маніторынгам.
10. Спыніць саўдзел у вайне і знешнепалітычную падтрымку агрэсіўных дзеянняў Расіі.
11. Адмовіцца ад правядзення вучэнняў «Захад-2025» на тэрыторыі Беларусі.
12. Спыніць выкарыстанне мігрантаў у якасці інструмента гібрыднай вайны.
Упэўнены, што адмаўленне ад унутранай рэпрэсіўнай і знешняй агрэсіўнай палітыкі – ключ да аднаўлення даверу з заходнімі краінамі»
@CabinetBelarus
